Surxondaryo viloyatida O‘zbekiston Respublikasi Konstitutsiyasi qabul qilinganining yigirma besh yilligini keng nishonlashga puxta hozirlik ko‘rilmoqda.

O‘tayotgan har bir kun bizni davlatimiz Konstitutsiyasi qabul qilingan qutlug‘ sanaga tobora yaqinlashtirmoqda. Ayni damda yurtimizda ushbu bayram shukuhi hukmron.

Yurtimizda amalga oshirilayotgan islohotlar, mazmun-mohiyatiga ko‘ra, Konstitutsiyamizda belgilangan inson huquqlari va qonuniy manfaatlarini kafolatlashga yo‘naltirilganligi bilan ahamiyatlidir.

O‘zbekiston yoshlar ittifoqi viloyat kengashi va O‘zbekiston Respublikasi Milliy xavfsizlik xizmati chegara qo‘shinlariga qarashli harbiy qismlardan biri hamkorligida tashkil etilgan uchrashuvda umumta’lim, kasb-hunar ta’limi muassasalari o‘quvchilari, chegaraoldi hududidagi “Qirlishon”, “Soyinqorovul” va “Arabxona” mahalla fuqarolar yig‘inlarida istiqomat qiluvchi uyushmagan yoshlar hamda chegara qo‘shinlari harbiy xizmatchilari ishtirok etdi.

O‘zbekiston Respublikasi Prezidentining 2017 yil 20 iyundagi “O‘zbekiston Respublikasi Konstitutsiyasi qabul qilinganining yigirma besh yilligini nishonlashga tayyorgarlik ko‘rish va uni o‘tkazish chora-tadbirlari to‘g‘risida”gi F-4969-sonli farmoyishining ijrosini ta’minlash maqsadida Navoiy viloyat adliya boshqarmasining tashabbusi bilan 2017 yilning 27 oktabr kuni Navoiy davlat pedagogika institutida “Konstitutsiya- demokratik islohotlar tayanchi” mavzusida ilmiy-amaliy konferensiya tashkil etildi.

Bir piyola choyni oilamiz davrasida, shirin suhbat chog‘ida ichar ekanmiz, albatta, shu totli onlar, farovon turmush, qalbimiz xotirjamligi uchun shukrona aytamiz. Bu bebaho ne’matlarni bizga istiqlol berdi. Asosiy Qonunimiz esa baxtimiz poydevori bo‘ldi.

Oliy va o‘rta maxsus ta’lim vazirligida O‘zbekiston Respublikasi Prezidentining 2017 yil 20 iyundagi F–4969-son farmoyishi bilan tasdiqlangan O‘zbekiston Respublikasi Konstitutsiyasi qabul qilinganining yigirma besh yilligini nishonlashga tayyorgarlik ko‘rish va uni o‘tkazish bo‘yicha asosiy tadbirlar dasturida belgilangan vazifalar ijrosini ta’minlash maqsadida Adliya vazirligi bilan hamkorlikda umumiy ta’lim, o‘rta maxsus, kasb-hunar hamda oliy ta’lim muassasalarida “O‘zbekiston Respublikasi Konstitutsiyasini o‘rganish” kurslarini olib borayotgan professor-o‘qituvchilar uchun ilmiy-nazariy va amaliy seminar tashkil etildi.

O‘zbekiston Respublikasi Adliya vazirligi tomonidan tashkil etilgan tadbirda Qoraqalpog‘iston Respublikasi, viloyatlar va Toshkent shahridagi umumiy o‘rta ta’lim, o‘rta maxsus, kasb-hunar ta’limi va oliy ta’lim muassasalarining professor-o‘qituvchilari, Ma’naviyat va ma’rifat markazining hududiy targ‘ibot guruhlari a’zolari hamda malakali huquqshunoslar qatnashdi.

O‘zbekiston Respublikasi Savdo-sanoat palatasi va uning Samarqand viloyati hududiy boshqarmasi tomonidan joriy yilning 14-15 sentabr kunlari Samarqand shahrida O‘zbekiston Respublikasi Konstitutsiyasi qabul qilinganining 25 yilligiga bag‘ishlangan “O‘zbekistonda hakamlik sudlari faoliyatini takomillashtirish masalalari” mavzusida ilmiy-amaliy seminar tashkil qilindi.

Mamlakatimizda o‘tgan yillar mobaynida inson huquqlarini ishonchli himoya qilishga qaratilgan keng ko‘lamli islohotlar amalga oshirildi. Avvalo, O‘zbekiston Respublikasi Konstitutsiyasida xalq hokimiyatchiligi prinsipining muhim qoidalaridan biri sifatida inson, uning hayoti, erkinligi, sha’ni, qadr-qimmati va boshqa daxlsiz huquqlari oliy qadriyat hisoblanishi belgilab qo‘yildi (13-modda).